Ներածություն
Ի՞նչ է վքնածությունը։
Եթե Դուք տառապում եք որովայնի փքվածությունից, Դուք միայնակ չեք։ Մարդկանց մեծ մասի մոտ ինչ-որ պահի առաջանում է վքնածություն կամ մետեորիզմ։ Մեր մարմինը զարմանալի համակարգ է, որը կարողանում է սնունդն էներգիայի վերածել։ Եթե այս գործընթացի ընթացքում Ձեր ստամոքսաղիքային տրակտում չափից շատ գազեր են արտադրվում, Ձեր որովայնն վքնած և փքված է թվում: Գազերը դուրս հանելու անկարողությունը կարող է առաջացնել ուժեղ անհանգստություն, ստամոքսի ցավեր, և որովայնը կարող է ավելի ուռած տեսք ունենալ: Գազերի կուտակումը ստամոքսաղիքային տրակտում սովորաբար կախված է բակտերիաների կողմից խմորվող չներծծվող սննդի քանակից և աղիքային ֆլորայի ընդհանուր կազմից և բաշխվածությունից: Անկախ սեռից՝ փքվածությունը և անկառավարելի գազերի վախը կարող են առօրյա կյանքում սթրեսի մեծ պատճառ հանդիսանալ։
Պատճառներ
Ի՞նչ է մետեորիզմը։
Մետեորիզմը հետանցքի միջոցով ավելորդ գազերի դուրսբերումն է, որը որոշ մարդկանց համար կարող է դառնալ սոցիալական մեծ խնդիր: Որովայնի գազերը սովորաբար արտադրվում են բակտերիաների կողմից, որոնք խմորում են հաստ աղիքում չներծծված սնունդը: Գազերի քանակությունը մեծապես տարբերվում է անհատից անհատ և կախված է սննդի բաղադրությունից և բակտերիաների նյութափոխանակային ակտիվությունից: Եթե մարդիկ չեն կարող արդյունավետ կերպով դուրս հանել գազերը, արդյունքը աղիքային գազերի երկարատև պահպանումն է և վքնածության ու ցավի ախտանիշները:
Վքնածությունը և մետեորիզմը կանխելու համար հարկավոր է պարզել, թե որ մթերքների օգտագործման կամ ինչպիսի վարքագծի դրսևորման արդյունքում են դրանք առաջանում։ Վքնածության պատճառների ցանկը երկար է և ընդգրկում է սխալ սնունդ ընդունելուց մինչև սթրես և հորմոնալ անհավասարակշռություն:
Պատճառներ
Ինչո՞ւ եմ ես այսքան վքնած։ (պատճառները)
Գազերի առաջացումը, ինչպես նաև դրանց արձակումը բնական երևույթներ են։ Սակայն դրանց ծավալը և հաճախականությունը մեծապես տարբերվում են անհատից անհատ։ Ավելորդ վքնածությունը և մետեորիզմը կարող են տարբեր պատճառներով պայմանավորված լինել:
Դժվար է հասկանալ վքնածության և գազերի առաջացման մեխանիզմը: Ցանկացած ժամանակ միջին վիճակագրական անհատն ունի 100–200 սմ3 գազ ստամոքսաղիքային տրակտում: Գազերի ծավալն ավելանում է, օրինակ՝ օդը կուլ տալու և գազավորված ըմպելիքներ խմելու արդյունքում։ Սովորաբար այդ գազերը ներծծվում են արյան մեջ, և մենք դրանք արտաշնչում ենք: Կամ պարզապես դրանք արտազատվում են գազերի արձակման միջոցով։ Եթե այս համակարգը խաթարվում է, ավելորդ գազերը կարող են կուտակվել մեր օրգանիզմում որպես փոքրիկ պղպջակներ՝ այդպիսով մեզ ստիպելով զգալ գերհագեցած և փքված։
Սննդային ալերգիաները և որոշ մթերքների նկատմամբ անտանելիությունը կարող են առաջացնել վքնածություն՝ որոշ մթերքներ ինչպես հարկն է մարսելու անկարողության պատճառով:
Չափազանց շատ շաքարը, մեծ քանակությամբ հատիկեղենը կամ ավելորդ մանրաթելերը Ձեր սննդակարգում կարող են խնդիրներ առաջացնել, քանի որ չմարսված սնունդն արտադրում է գազեր: Ինչպես նաև նոր երկրներ ճանապարհորդելիս նոր ուտելիքներ փորձելը Ձեր որովայնի գրգռման ընդհանուր պատճառներից է հանդիսանում:
Սթրեսն ինքնին կարող է վատ մարսողության պատճառ դառնալ։ Եվ աշխատանքային կամ ընտանեկան սթրեսային իրավիճակները կարող են ստիպել Ձեզ շատ արագ ուտել Ձեր սնունդը: Ուտելու ընթացքում օդ կուլ տալը վքնածության և մետեորիզմի տարածված պատճառներից է:
Շատ տարածված է, որ փոքրիկները կրծքով կերակրման ընթացքում ավելորդ քանակությամբ օդ են կուլ տալիս: Այդ պատճառով նրանք տանջվում են որովայնի վքնածությունից, որը կարող է հանգեցնել մանկական աղեխիթերի:
Շատ կանայք նշում են դաշտանի ժամանակ որովայնի վքնածության մասին: Հորմոնալ անհավասարակշռությունը կարող է դանդաղեցնել մարսողական համակարգի աշխատանքը և, հետևաբար, առաջացնել վքնածություն:
Ինչպես դաշտանի ժամանակ նկատվող ախտանիշների դեպքում, հղիության ժամանակ ևս կարող է առաջանալ վքնածություն։
Ախտանիշներ
Ի՞նչ են իրենցից ներկայացնում վքնածությունը և մետեորիզմը։ (ախտանիշներ)
Շատերը գիտեն, թե ինչ զգացողություն է, երբ մեծ քանակությամբ սնունդ ընդունելուց հետո գերհագեցած ես զգում: Երբ որովայնային տրակտում ավելորդ քանակությամբ գազ կամ օդ կա, մենք դա անվանում ենք վքնածություն: Որովայնը թվում է գերհագեցած, ծանր, սեղմված կամ փքված:
Մյուս ախտանիշները կարող են ներառել.
որովայնի ցավ
գազերի կամավոր կամ ակամա արձակում (մետեորիզմ)
հաճախակի բղկոց
որովայնում դղրդյուն կամ գռմռոց
ճնշում և ջղաձգություն չափազանց մեծ քանակությամբ գազերի պատճառով
Թեթևացում
Որքանո՞վ է լուրջ վքնածությունը: Պե՞տք է արդյոք դիմել բժշկի:
Բժշկի այցելությունների ժամանակ ստամոքսաղիքային տրակտի ամենատարածված ախտանիշներից են վքնածությունը և մետեորիզմը: Թեև վքնածությունը կարող է հիվանդի մոտ զգալի անհանգստություն առաջացնել, այն հիմնականում բարորակ վիճակ է համարվում: Այսինքն, եթե վքնածությունն առաջանում է ուտելու հետևանքով և որոշակի տեսակի սննդի պատճառով, վիճակը չի վատթարանում և չի տևում մեկ-երկու օրից ավելի: Զգուշացեք տագնապային ազդանշաններից, ինչպիսիք են անեմիան և քաշի ոչ միտումնավոր կորուստը: Այս ախտանիշները կարող են լինել մալաբսորբտիվ գործընթացի նշան։ Միշտ խորհուրդ է տրվում այցելել բժշկի, եթե զգում եք ուժեղ ցավ, սրտխառնոց և փսխում:
Կանխարգելում
Ինչպե՞ս նվազեցնել վքնածությունն ու մետեորիզմը: (կանխարգելում)
Եթե Դուք տեղյակ եք, թե որոնք են Ձեզ մոտ վքնածության առաջացման պատճառները, ապա առաջին քայլը դրանք Ձեր առօրյայից բացառելն է։ Դա նշանակում է, որ պետք է ստուգեք սննդի նկատմամբ անտանելիությունը, խուսափեք Ձեզ համար անառողջ սննդի ընդունումից կամ եթե Ձեր խնդիրներն առաջանում են սթրեսի պատճառով, փորձեք բարելավել Ձեր աշխատանք և առօրյա հավասարակշռությունը:
Կախված Ձեր ապրելակերպից կամ աշխատանքային գրաֆիկից՝ այս ամենն ավելի հեշտ է ասել, քան անել: Միգուցե Դուք շատ եք ճանապարհորդում և միշտ չէ, որ կարողանում եք առողջ սնվել։ Կամ գուցե Դուք ունեք շատ սթրեսային աշխատանք, որը սիրում եք: Ոչ միշտ է, որ հնարավոր է վերացնել բոլոր պատճառները։
Օգնություն
Ի՞նչն է օգնում վքնածության և մետեորիզմի դեպքում:
Եվ ահա կրկին․ Դուք հենց նոր մեծ քանակությամբ սնունդ եք ընդունել և կրկին զգում եք այդ գերհագեցվածությունը ստամոքսում: Ահա մի քանի խորհուրդ և միջոց, որոնք կօգնեն նվազեցնել վքնածությունը և մետեորիզմը․
Ձեր որովայնի նուրբ մերսումը հաստ աղիների ուղղությամբ կարող է օգնել հեռացնել աղիներում կուտակված գազերը:
Ֆիզիկական ակտիվությունը, ինչպես օրինակ՝ դրսում զբոսանքը, կարող է խթանել աղիների աշխատանքը, ինչը կարող է օգնել ազատվել ավելորդ գազերից:
Էսպումիզանն ապացուցված և արդյունավետ միջոց է վքնածության և մետեորիզմի դեմ: Էսպումիզանի մեկ դեղահաբն արագ ազատում է գազերի հետ կապված մի շարք ախտանիշներից, ինչպես օրինակ՝ մետեորիզմից։ Ազդող նյութը՝ «Սիմետիկոնը», փոխում է ստամոքսաղիքային տրակտում կուտակված գազերի պղպջակների մակերևութային լարվածությունը և դուրս է բերում է գազերը, որոնք այնուհետև կարող են ներծծվել կամ արձակվել:
Եզրակացություն
Էսպումիզան® դեղամիջոց՝ արագ ազատում վքնածությունից։*
Վքնածությունը և մետեորիզմը բնական երևույթներ են։ Սակայն մեր ժամանակակից ապրելակերպը երբեմն շատ պահանջկոտ է լինում։ Սթրեսային աշխատանքը, հոբբիները, ընտանեկան կյանքն ու առօրյան համատեղելու փորձերը կարող են հանգեցնել սթրեսային իրավիճակների, ինչպես և լինում է չափազանց ճարպոտ կամ անառողջ սնունդ օգտագործելու ժամանակ: Մեր մարսողական համակարգը չի կարողանում այդ ամենը հաղթահարել, ինչը հանգեցնում է ավելորդ գազերի առաջացման, որոնք կուտակվում են մեր որովայնում և ստիպում են մեզ զգալ գերհագեցած և վքնած։ Ստամոքսի անհանգիստ վիճակը և անկառավարելի գազերի վախը կարող են սթրեսի աղբյուր հանդիսանալ շատ մարդկանց համար։
Էսպումիզանի ակտիվ նյութն ապահովում է արագ և հուսալի թեթևացում: Դրա ակտիվ բաղադրիչը՝ Սիմետիկոնը, ապացուցված և արդյունավետ միջոց է վքնածության և մետեորիզմի դեմ։ Էսպումիզանի ակտիվ նյութի մեկ դեղաչափն արագ ազատում է գազերի հետ կապված մի շարք ախտանիշներից, ինչպիսիք են վքնածությունը կամ մետեորիզմը։
Էսպումիզանի ակտիվ բաղադրիչը՝ Սիմետիկոնը, փոխում է ստամոքսաղիքային տրակտի սննդային զանգվածում կուտակված գազերի առաձգականությունը։ Քանի որ պղպջակները քայքայվում են, դուրս են բերվում, արդյունքում գազերը հեշտությամբ կլանվում են աղիների պատերի կողմից և դուրս են գալիս բղկալու կամ գազերի արձակման միջոցով։
Էսպումիզան® դեղամիջոց․ տարբեր դեղաչափեր՝ Ձեր կարիքների համար
Էսպումիզան®L 40 մգ/մլ դեղակախույթ
40 մգ Սիմետիկոն պարունակող դեղակախույթ, որը հեշտ է կուլ տալ։