Ներածություն
Փրփրազերծող նյութերի օգտագործում ուլտրաձայնային հետազոտությունից առաջ (Ներածություն)
Գազերի առաջացումը, ինչպես նաև դրանց արձակումը բնական երևույթներ են։ Սակայն դրանց ծավալը և հաճախականությունը մեծապես տարբերվում են անհատից անհատ։ Թեև վքնածությունը հաճախ լուրջ հիվանդություն չի համարվում, այն կարող է խնդիր դառնալ բժշկի այցելության ընթացքում որոշակի ախտորոշիչ հետազոտությունների համար:
Հատկապես որովայնի հատվածում ուլտրաձայնային ախտորոշման արդյունավետությունը խիստ սահմանափակված է ստամոքսում և աղիքներում գազերի առկայությամբ: Աղիքային գազերը հաճախ անհնարին են դարձնում օրգանների և դրանց վիճակի հստակ տեսանելիությունն ուլտրաձայնային հետազոտության ժամանակ:
Առավելություններ
Ուլտրաձայնային հետազոտությունից առաջ փրփրազերծող միջոցներ ընդունելու առավելությունները
Եթե Դուք տառապում եք վքնածությունից, Դուք միայնակ չեք։ Մարդկանց մեծ մասի մոտ ինչ-որ պահի առաջանում է վքնածություն կամ մետեորիզմ։ Մեր մարմինը զարմանալի համակարգ է, որը կարողանում է սնունդն էներգիայի վերածել։ Եթե այս գործընթացի ընթացքում Ձեր ստամոքսաղիքային տրակտում չափից շատ գազեր են արտադրվում, Ձեր որովայնն փքված և վքնած է թվում: Գազերը դուրս հանելու անկարողությունը կարող է առաջացնել ուժեղ անհանգստություն, ստամոքսի ցավեր, և որովայնը կարող է ավելի մեծ տեսք ունենալ:
Ահա թե ինչպես կարող է օգնել Էսպումիզանը․ Էսպումիզանում պարունակվող ակտիվ նյութը՝ Սիմետիկոնը, օգնում է ազատվել որովայնի գազերից: Դա տեղի է ունենում սննդի զանգվածի և լորձի մեջ ներծծված գազերի պղպջակների առաձգականությունը փոխելու միջոցով՝ ի վերջո դրանք քայքայելով: Ընթացքում արտանետվող գազերը կարող են այնուհետև կլանվել աղիների պատերի կողմից և հեռացվել գազերի արձակման կամ բղկալու միջոցով:
Կողմնակի ազդեցություններ
Արդյո՞ք փրփրազերծող միջոցները կողմնակի ազդեցություններ ունեն:
Էսպումիզանի ակտիվ նյութը՝ Սիմետիկոնը, շուրջ 50 տարի է, ինչ գոյություն ունի։ Այն խորապես ուսումնասիրվել է և պարզվել է, որ գործնականում թունավոր չէ: Այն ֆիզիկական մակարդակով ներգործում է չմարսված սննդի մեջ կուտակված գազերի վրա և չի ներծծվում օրգանիզմի կողմից: Դեղամիջոցը կարելի է ընդունել երկարատև բուժման համար։ Այն հեշտ է օգտագործել, և մեկ դեղաչափը (երկու փոքրիկ պատիճ) կարելի է ընդունել առանց ջրի։ Այն հարմար է հղիների կողմից օգտագործման համար։ Այլ դեղաձև, օրինակ դեղակախույթ կարող է կիրառվել փոքրիկների մոտ։ Էսպումիզանը շաքար չի պարունակում և, հետևաբար, հատկապես հարմար է փոքրիկների և շաքարային դիաբետ ունեցող հիվանդների համար: Արտադրված է Գերմանիայում՝ որակի խիստ վերահսկողության ներքո:
Խուսափելով
Այլ խորհուրդներ՝ ուլտրաձայնային հետազոտության ժամանակ վքնածությունից խուսափելու համար
Վքնածության առաջացման պատճառները շատ են ուսումնասիրվել, սակայն դրանք ամբողջությամբ չեն բացատրվել գիտության կողմից: Պատճառները մեծապես տարբերվում են անձից անձ և ընդգրկում են մարսողական խանգարումներից մինչև սննդի զգայունություն կամ հորմոնալ անհավասարակշռություն: Հետևյալ գործոնների ուսումնասիրությունը կարող է զգալիորեն բարելավել գազերի հեռացման գործընթացը Ձեր հաջորդ ուլտրաձայնային հետազոտությունից առաջ:
Սննդային ալերգիաները և որոշ մթերքների նկատմամբ անտանելիությունը կարող են առաջացնել վքնածություն՝ որոշ մթերքներ ինչպես հարկն է մարսելու անկարողության պատճառով:
Չափազանց շատ շաքարը, մեծ քանակությամբ հատիկեղենը կամ ավելորդ մանրաթելերը Ձեր սննդակարգում կարող են խնդիրներ առաջացնել, քանի որ չմարսված սնունդն արտադրում է գազեր: Ինչպես նաև նոր երկրներ ճանապարհորդելիս նոր ուտելիքներ փորձելը Ձեր որովայնի գրգռման ընդհանուր պատճառներից է հանդիսանում:
Սթրեսն ինքնին կարող է վատ մարսողության պատճառ դառնալ։ Եվ աշխատանքային կամ ընտանեկան սթրեսային իրավիճակները կարող են ստիպել Ձեզ շատ արագ ուտել Ձեր սնունդը: Ուտելու ընթացքում օդ կուլ տալը վքնածության և մետեորիզմի տարածված պատճառներից է:
Շատ տարածված է, որ փոքրիկները կրծքով կերակրման ընթացքում ավելորդ քանակությամբ օդ են կուլ տալիս: Այդ պատճառով նրանք տանջվում են որովայնի վքնածությունից, որը կարող է հանգեցնել մանկական աղեխիթերի:
Շատ կանայք նշում են դաշտանի ժամանակ որովայնի վքնածության մասին: Հորմոնալ անհավասարակշռությունը կարող է դանդաղեցնել մարսողական համակարգի աշխատանքը և, հետևաբար, առաջացնել վքնածություն:
Ինչպես դաշտանի ժամանակ նկատվող ախտանիշների դեպքում, հղիության ժամանակ ևս կարող է առաջանալ վքնածություն։
Կանխարգելում
Էսպումիզան® դեղամիջոց՝ արագ ազատում վքնածությունից։*
*Կլինիկական հետազոտություններ են անցկացվել ակտիվ նյութով՝ Սիմետիկոնով։
Վքնածությունը և մետեորիզմը բնական երևույթներ են։ Սակայն մեր ժամանակակից ապրելակերպը երբեմն շատ պահանջկոտ է լինում։ Սթրեսային աշխատանքը, հոբբիները, ընտանեկան կյանքն ու առօրյան համատեղելու փորձերը կարող են հանգեցնել սթրեսային իրավիճակների, ինչպես և լինում է չափազանց ճարպոտ կամ անառողջ սնունդ օգտագործելու ժամանակ: Մեր մարսողական համակարգը չի կարողանում այդ ամենը հաղթահարել, ինչը հանգեցնում է ավելորդ գազերի առաջացման, որոնք կուտակվում են մեր որովայնում և ստիպում են մեզ զգալ գերհագեցած և վքնած։ Ստամոքսի անհանգիստ վիճակը և անկառավարելի գազերի վախը կարող են սթրեսի աղբյուր հանդիսանալ շատ մարդկանց համար։
Էսպումիզանի ակտիվ բաղադրիչը՝ Սիմետիկոնը, ապահովում է արագ և հուսալի թեթևացում: Սիմետիկոնն ապացուցված և արդյունավետ միջոց է վքնածության և մետեորիզմի դեմ։ Էսպումիզանի ակտիվ նյութի մեկ դեղաչափն արագ ազատում է գազերի հետ կապված մի շարք ախտանիշներից, ինչպիսիք են վքնածությունը և մետեորիզմը։
Սիմետիկոնը, փոխում է գազերի պղպջակների առաձգականությունը, որոնք կուտակված են ստամոքսաղիքային տրակտում: Քանի որ պղպջակները քայքայվում են, և գազերը ազատվում են, արդյունքում դրանք հեշտությամբ դուրս են գալիս բղկալու կամ գազերի արձակման միջոցով։
Էսպումիզան® դեղամիջոց․ տարբեր դեղաձևեր՝ Ձեր կարիքների համար
Էսպումիզան® 40 մգ պատիճներ
Ապահովում է արագ և հուսալի թեթևացում մեծ չափաբաժնով և ճարպոտ սնունդ ընդունելուց հետո առաջացած վքնածության, սննդի նկատմամբ զգայունության, սթրեսի և դաշտանային վքնածության ժամանակ։