Վքնածություն և սննդակարգ

Մենք փորձում ենք օգտակար բաներ անել  մեր օրգանիզմի համար, լավ սնվել, շատ չուտել, խուսափել մթերքներից, որոնք չի կարելի ուտել: Բայց երբեմն մենք չգիտենք, թե որոնք են այդ մթերքները: Սննդային ալերգիաները տարածված երևույթներ են, որոնց շարքում կարող ենք նշել գլյուտենի անտանելիությունը, ցելիակիան, լակտոզայի անտանելիությունը, և սրանք այդ շարքից պարզապես մի քանիսն են։ Չախտորոշվելու դեպքում դրանք կարող են հանգեցնել առողջական շատ լուրջ խնդիրների կամ, ինչն առավել տարածված է, վքնածության: Դա պայմանավորված է օրգանիզմի՝ որոշ սննդատեսակներ պատշաճ կերպով մարսելու անկարողությամբ:  

Քանի որ մենք այնուհետև փորձում ենք հրաժարվել սննդի որոշ խմբերից, մեր սննդակարգը կարող է անհավասարակշիռ դառնալ: Տարածված խնդիրներից մեկը շաքարի մեծ քանակությունն է մեր սննդակարգում: Մի շարք առողջական խնդիրներ, ինչպիսին է շաքարային դիաբետը, շատ տարածված և հայտնի են, և դրանք պետք է ախտորոշվեն Ձեր բուժող բժշկի կողմից: Բացի այդ, շաքարի մեծ քանակությունը կարող է նաև վքնածության պատճառ դառնալ։ Ձեր սննդակարգում չափից շատ հատիկեղենը և ավելորդ բջջանյութը նույնպես կարող են խնդիր լինել, քանի որ չմարսված սնունդն արտադրում է գազեր: Նոր սնունդ փորձելը, որին Ձեր ստամոքսը սովոր չէ, լինի դա տանը, թե արձակուրդների ժամանակ որևէ նոր երկրում, նույնպես կարող է ստամոքսի գրգռման պատճառ դառնալ։

Եթե Դուք ընդունում եք նոր տեսակի սնունդ, դա նշանակում է, որ Դուք փոխում եք Ձեր օրգանիզմի էներգիայի աղբյուրը: Ճիշտ այնպես, ինչպես մեքենան խնդիրներ կունենա նոր վառելիքով աշխատելու դեպքում, այդպես էլ Ձեր մարմինը սովոր է Ձեր նախկին սննդակարգին և, հետևաբար, զգայուն է ցանկացած փոփոխության նկատմամբ: Սննդային խմբերի նոր հավասարակշռությունը կամ ավելի մեծ ծավալով առավել դժվարամարդ սննդի ընդունումը, ինչպիսիք են ամբողջական ձավարեղենը, մանրաթելերն ու հատիկեղենը, կարող են հանգեցնել ավելորդ գազերի առաջացման։